Di êrişê de ya li herêma Abanubê ya li nêzî bajarê Assiutê, kesek ji wesayitekê gule li sivîlan reşand.

Di daxuyaniya Wezareta Karên Hundir a Misrê de hate ragihandin ku di bûyerê de 8 kes mirin, 5 kes jî birîndar bûn.

Li gorî daxuyaniyê, êrişkar piştî êrişê reviya û piştre ji aliyê hêzên ewlekariyê ve hate dorpêçkirin. Hate ragihandin ku êrişkar di şer de hate kuştin.

Wezareta Karên Hundir a Misrê diyar kir ku li gorî daneyên destpêkê yên lêpirsînê nexweşiyên derûnî bi êrişkar re hebû û beriya niha li Qahîreyê li nexweşxaneyeke psîkiyatrî hatibû dermankirin.

Rayedaran gotin, lêpirsîna li ser sedema êrişê dewam dike.